Éducation
Koperasyon Ayiti-Taywann : 980 fanm pran diplòm nan yon fòmasyon pwofesyonèl
Ayiti benefisye yon seri fòmasyon nan kad yon koperasyon ak peyi Taywann aprè plis pase 980 fanm gentan fin jwenn diplòm nan yon fòmasyon pwofesyonèl, se pral tou pa 80 lòt fanm
Publié le : 5 oct. 2022 à 13:40
Minis kondisyon fanm nan Doktè Sofia Loréus ak anbasadè peyi Taywann nan, Wen-Jiann Ku prezide nan dat lendi 3 oktòb pase a seremoni lansman yon dezyèm sesyon fòmasyon k ap dire 2 semèn.
Nan kad fòmasyon sa yo, plis pase 980 fanm gentan benefisyon diplòm yo nan yon aktivite pwofesyonèl. 2èm sesyon sa ki pral kòmanse a, anviwon 80 lòt fanm pral benefisye seyans aprantisaj nan kizin ak patisri pandan yon peryòd 2 semèn. Nap raple fòmasyon sa yo konsène yon latriye domèn tankou kosmetoloji, enfòmatik, elatriye.
Nan yon peyi ki san travay, jèn yo sitou nan nesesite aprann yon metye pwofesyonèl nan lide pou prepare tèt yo pou mache travay la osinon monte pwòp ti aktivite ekonomik yo.
Filisner DIEUJUSTE
AreaNews Media
