République Dominicaine

Peyi Etazini deside entèdi twa peyi patisipe nan “Somè Amerik” la

Publié le mardi 07 juin

Mezon Blanch anonse ayè lendi a li pran desizyon pou ni Kiba, ni Venezyela ak Nikaragwa pa fè pati peyi ki gen pou patisipe nan rankont k ap gen pou fèt ant peyi ki nan Amerik yo.

Aprè desizyon sa, prezidan meksiken an te menase pou l bòykote reyinyon sa. Se yon aksyon ki kapab genyen pwa nan balans lan pou reyalizasyon kokennchenn evènman sa a.

Anpil peyi ki se manm konpozan somè a kapab pa swiv li nan wout sa l ye a, li te tou pwofite anonse absans li poutèt sa.

N ap fè w sonje Andrés Manuel Lopéz Obrador, ki se moun ki nan tèt peyi Meksik, nan moman n ap pale la a, te bay rezon ki fè l pa t deside ale nan gwo rankont sa, se paske Etazini te voye di twa peyi sa yo pou yo pa mete pwent pye yo nan Somè Amerik la.

Pou prezidan meksiken an, si gen yon aktivite k ap fèt nan non peyi ki sou kontinan ameriken an, li lojik e li obligatwa pou tout reprezantan yo san distenksyon nèt la nan moman sa.

Selon tout dènyè detay ki soti nan peyi Etazini, se pa yon desizyon ki vini konsa konsa. Twa peyi yo, ki se Kiba, Venezyela ak Nikaragwa, premyèman, yo se abvèsè dirèk Ameriken yo epi dezyèmman, moun pa ka di sa yo vle nan peyi sa yo. Se kèk pami divès rezon ki fè kèk manm nan Pati Demokrat la ak Repibliken yo te rive konvenk prezidan ameriken, Joe Biden pou retire yo, pou yo pa vini nan evènman sila a.

Wilson Genestil

Related Articles

Leave a Reply

Your email address will not be published. Required fields are marked *

Back to top button